Pamjet e celularit nga një tifoz futbolli tregojnë momentet e tmerrshme teksa lojtarët e dy skuadrave nxitojnë drejt arbitrit gjatë një ndeshjeje në Argjentinë. Kur një lojtar më pas fillon të shtyjë arbitrin, gjyqtari e godet atë me thikë, duke e goditur lojtarin në gjoks.
Spektatorët e tronditur e shohin lojtarin së pari të lëkundet, më pas të rrëzohet dhe më pas të largohet nga fusha nga shokët e tij.
Ndërkohë arbitri i veshur me fanellë të zezë largohet në drejtimin tjetër. Sipas raportimeve të mediave, ngjarja ka ndodhur më 2 dhjetor, në një fushë futbolli në qytetin Scholler, në periferi të qytetit Eldorado në provincën e Misiones. Viktima e plagosur mësohet se është një 21-vjeçar, i cili është dërguar në spital me një shpim në mushkëri.
Siç vazhdojnë të raportojnë mediat lokale, gjyqtari Remigio Armoa (62 vjeç) u arrestua më vonë nga policia dhe arma e plagosjes u konfiskua.
Xhaxhai i lojtarit të plagosur, iu tha gazetarëve: “Kevin është gjallë për mrekulli. Është një moment shumë delikat për familjen, sepse ai është ‘Messi i familjes’”./Liberale.al
