Shpërthim në një karburant në Tiranë, plagosen menaxheri dhe shoferi i autobotit
Shpërthim i fuqishëm në një pikë shitjeje karburanti në mes të Tiranës, plagosen rëndë dy persona.
Ngjarja ndodhi sot rreth orës 13:30, në Rrugën Bardhyl, tek pika e furnizimit me karburant, Veliaj Petrol, raporton tiranaweb.al.
Persona e plagosur janë shoferi i autobotit, Myrto Kadiu dhe menaxheri i pikës së karburantit, Miklovan Çollaku.
Incidenti ndodhi gjatë kohës që ka qenë duke u funizuar një pikë karburanti me benzinë, nga një autobot, ka ndodhur një shpërthim.
Si pasojë është dëmtuar shtetasi M. Ç., (menaxher) dhe shtetasi M. K. (shoferi i autobotit), të cilët janë transportuar në spital dhe ndodhen nën kujdesin e mjekëve.
Grupi hetimor po punon për sqarimin e rrethanave të ngjarjes, tha zyrtarisht policia.
