Të paktën 9061 njerëz janë vrarë nga sulmet izraelite në Gaza që nga 7 tetori, raporton Reuters, duke cituar ministrinë e shëndetësisë të drejtuar nga Hamasi në Gaza. 32,000 persona të tjerë janë lënduar.
Mes viktimave janë 3760 fëmijë si dhe 2326 gra, sipas ministrisë.
Katër palestinezë, duke përfshirë tre adoleshentë, u qëlluan për vdekje në pjesë të ndryshme të Bregut Perëndimor të pushtuar herët të enjten, raporton Associated Press, duke cituar ministrinë palestineze të shëndetësisë.
Më shumë se 130 palestinezë janë vrarë në Bregun Perëndimor që nga fillimi i luftës.
