Një tjetër shqiptar i shpallur në kërkim ndërkombëtar nga drejtësia italiane është arrestuar ditën e sotme në Shqipëri.
Gazetari i Vizion Plus, Bepit Kolvata mëson se Andi Hylviu 31-vjeç është arrestuar në pikën kufitare të Hanit të Hotit për llogari të drejtësisë italiane, pasi akuzohet për përfshirje në grup kriminal në fushën e narkotrafikut.
Ndërkohë po vijojnë proceduart për ekstradimin e tij drejt Italisë.
Njoftimi:
Policia Kufitare e Hanit të Hotit ndaloi një shtetas të shpallur në kërkim ndërkombëtar nga Italia, i cili akuzohet si pjesëtar i një organizate kriminale për trafikimin e lëndëve narkotike.
Si rezultat i shkëmbimit të informacionit ndërmjet Interpol Tiranës dhe homologëve në Itali, të kryera në kuadër të megaoperacionit “Sundimi i ligjit”, për ndalimin e shtetasve të shpallur në kërkim kombëtar ose ndërkombëtar, u ndalua në dalje të Shqipërisë, shtetasi A. H., 31 vjeç, banues në Kavajë.
Vijojnë procedurat për ekstradimin e 31-vjeçarit, në Itali.
/a.r