“Nuk ka paqe pa sigurinë e grave”/ Nis protesta në Prishtinë, marrin pjesë edhe familjarët e Liridona Ademajt

Ka nisur në Prishtinë protesta e organizuar nga Kolektivi për Mendim dhe Veprim Feminist me moton “nuk ka paqe pa sigurinë e grave”.

Protesta e nxitur nga vrasja mizore e 30-vjeçares Liridona Ademaj me porosi të bashkëshortit të saj, Naim Murselit të mërkurën e 29 nëntorit, nisi sot në me thirrjet “liri barazi, solidaritet”.

Protestuesit përmendën emrat e grave të vrara përgjatë viteve në Kosovë, duke kërkuar drejtësi për secilën prej tyre.

“Poshtë patriarkati” dhe “nuk ka paqe pa çlirimin e grave”, ishin disa nga thirrjet tjera në protestë.

Reklamo ne TiranaWeb

Gazetarja e T7, Shaha Thaçi tha në një lidhje direkte në Frontal në T7 se protestës pritet t’i bashkohet edhe kryeministri Albin Kurti, ndërsa të pranishëm janë parë deputetë dhe përfaqësues të institucioneve.

“Një numër i madh edhe i familjarëve të Liridona Ademajt janë të pranishëm”, tha Shaha Thaçi. “Ata kanë veshur bluza me fotografinë e Liridonës”.

Leave a Reply

Your email address will not be published. Required fields are marked *