Një biografi për Elon Musk është në zhvillim e sipër nga kompania e pavarur amerikane e prodhimit A24, siç raportohet nga revista “Variety”. Sipas publikimit të tij, filmi do të drejtohet nga Darren Aronofsky (“The Whale”, “Mother!”, “Requiem for a dream”).
Skenari do të bazohet në biografinë zyrtare të manjatit amerikan të teknologjisë, shkruar nga Isaac Walter dhe lëshuar shtatorin e kaluar. Në të kaluarën, një tjetër biografi e shkruar nga Walter, pikërisht ajo e Steve Jobs, u soll në ekranin e madh me Michael Fassbender në rolin e CEO të Apple.
Burime pranë produksionit thonë për Variety se kishte shumë konkurrencë nga studiot dhe kineastët për të marrë përsipër projektin, me A24 që përfundimisht “fitoi” atë betejë. I nominuari për Oscar, Aronofsky, i cili së fundmi krijoi filmin fitues të çmimit Oscar, “The Whale”, me protagonist Brendan Fraser, është i njohur për stilin e tij surreal me elemente të dramës psikologjike kur bëhet fjalë për regjinë.
Musk fillimisht u bë i njohur me themelimin e SpaceX, një kompani private amerikane e teknologjisë dhe shërbimeve të transportit hapësinor, në vitin 2002. Ai ishte gjithashtu një investitor në prodhuesin amerikan të automjeteve Tesla dhe përfundimisht u bë CEO i saj, duke qëndruar në atë pozicion deri në vitin 2018.
Së fundmi, Musk vendosi të blejë Twitter për 44 miliardë dollarë, duke e riemërtuar atë X. Që nga marrja e platformës, Musk ka bërë shumë ndryshime që shkaktuan reagime duke përfshirë shkarkimin e një numri të madh punonjësish të kompanisë./Liberale.al
