Ish deputeti i Partisë Socialiste i cili ka qenë dhe ish deputet i Lëvizjes Socialiste për Integrim, Spartak Braho thotë se vendi është në krizë dhe kryeministri Edi Rama duhet të shpërndajë sa më parlamentin e të thërrasë zgjedhje të parakohshme.
Vendi është në krizë. Kush nuk e kupton këtë nuk ka sy në ballë. I bëj thirrje Edi Ramës, kryeministër dhe kryetari i PS-së shpërnda parlamentin dhe nis zgjedhje të parakohshme. Këta duhen veprim mos e gjakosin popullin kot” tha Spartak Braho në një intervistë në studion e “Sot live në Shqipëri” me gazetarin Nertil Agalliu në Report Tv.
Me këtë tezë Braho argumenton se Berisha largohet nga skena politike.
“Thirrjet e Sali Berishës janë për luftë dhe asgjë nuk ndodh pa dijeninë e tij, të tjerët janë trushplarë pa tru që e ndjekin pas por populli nuk e ndjek Berishën. E keni parë edhe në sondazhet tuaja. Sali Berisha është non grata dhe nuk e lë njeri të kandidojë” tha ai për Repor Tv.
Më tej këmbëngul se Berishës duhet t’i mbyllet goja
Është emergjencë kombëtare madje patriotike që ky njeri të mbyllë gojën. Por ai vetë nuk e mbyll gojën, gjatë tërë kësaj kohe do të provojë destruktivitet. Unë e njoh shumë nga afër atë. Ia njoh biografinë që kur ka qenë 37 vjeç. Berisha është frikacak. I ka ecur presioni dhe me këtë presion erdhi në krye të PD-së që nuk e ktheu kurrë në parti por në turmë që e ka ndjekur pas. Berishën po e zë haku i Gramoz Pashkos që iku në mënyrë enigmatike” tha Spartak Braho në një intervistë në studion e “Sot live në Shqipëri” me gazetarin Nertil Agalliu në Report Tv.
Duke komentuar kaosin e deputetëve të Rithemelimit në kuvend Braho tha se ata duhet të përjashtohen.
“Këta janë bandë nuk janë deputetë duhet të përjashtohen për dhunë ndaj shtetit” tha Braho
Në këtë situatë politike Braho përsëriti disa herë thirrjen për Edi Ramën
“Maxhoranca duhet të mendojë dhe vlerësojë, bisedojë dhe me strukturat e tjera. Vendi duhet të futet me normalitet dhe normaliteti krijohet duke ndërtuar struktura të reja’ tha Braho.
Ndonjë këshillë tjetër për Ramën
“Rama të bëjë zgjedhje të parakohshme urgjente. Këshilla kam shumë por spara dëgjon shumë ai. Flasim me të por me romuze”