Një makinë e policisë është përfshirë në një aksident në Selitë.
Një punonjës policie teksa udhëtonte me automjetin e tij ka goditur automjetin e punonjësve të Gardës.
Në aksidentin që u regjistrua mbrëmjen e sotme mësohet se është përfshirë eskorta e Gardës së Republikës, e cila shoqëronte gjyqtaren e Gjykatës së Posaçme, Irena Gjoka.
Policia njofton se është përplasur automjeti me drejtues qytetarin me iniciale A.D., me makinën e policisë me drejtues shtetasin me iniciale I.H.
“Si pasojë, shtetasi I. H., ka humbur kontrollin mbi drejtimin e automjetit dhe automjeti ka dalë nga rruga”,njofton policia. Nga aksidenti fatmirësisht nuk ka të lënduar rëndë.
