32 të vdekur nga zjarri në një qendër rehabilitimi nga droga

Të paktën 32 persona u vranë dhe 16 u plagosën në një zjarr që shpërtheu në një qendër rehabilitimi nga droga në qytetin Langarud në provincën Gilan të Iranit verior, njoftuan sot mediat iraniane.

Autoritetet gjyqësore po hetojnë shkakun e zjarrit, siç raportohet nga agjencia gjysmë zyrtare e vendit e lajmeve Mehr.

Agjencia e lajmeve Mizan e Gjyqësorit raportoi se drejtuesit dhe zyrtarët e qendrës po merren në pyetje.

Sipas menaxherit të qendrës, ajo mund të strehojë deri në 40 persona. Sipas Zyrës së Kombeve të Bashkuara për Kontrollin e Drogës dhe Parandalimin e Krimit (UNODC), Irani ka një nga normat më të larta të varësisë nga droga në botë.

Vendi është në qendër kryesore për lëvizjen e lulëkuqes – nga e cila prodhohet opiumi dhe heroina – nga Afganistani në Evropën Perëndimore./Liberale.al

 

Leave a Reply

Your email address will not be published. Required fields are marked *