Zjarri që shpërtheu mesditën e së dielës në zonën e Varnavasit dhe prej andej u përhap në një pjesë të madhe të Atikës verilindore vijon të jetë ende aktiv.
Sipas Zjarrfikësve, forcat po merren me shpërthime aktive të shpërndara nga Varnavas në Nea Makri dhe në Penteli. Pak pas orës 5 të mëngjesit ka pasur një ringjallje të madhe të vatrave në vendbanimin Erythros në Nea Makri duke vënë në rrezik banesat dhe jetën e qytetarëve.
Për këtë arsye nga 112 u dërgua mesazh banorëve që të largohen nga vendbanimi nëpërmjet Marathon Avenue drejt Rafinës.
702 zjarrfikës me 27 ekipe pyjore, 199 automjete dhe vullnetarë me ndihmën e të gjitha agjencive të Mbrojtjes Civile po punojnë për shuarjen e zjarrit.
Forca nga Franca, Italia, Serbia, Çekia, Turqia dhe Rumania pritet t’i vijnë sot në ndihmë Greqisë nëpërmjet Mekanizmit Evropian të Mbrojtjes Civile.
Sipas Hartës së Parashikimit të Rrezikut nga Zjarri, lëshuar nga Sekretariati i Përgjithshëm i Mbrojtjes Civile të Ministrisë së Krizave Klimatike dhe Mbrojtjes Civile, për ditën e sotme (13 gusht) parashikohet një rrezik shumë i lartë zjarri (kategoria e rrezikut 4) për rajonin e Atikës dhe rajonin e Greqisë Qendrore (PE Boeotia, PE Evia).
/a.r