Situatë katastrofike paraqitet në Los Anxhelos si pasojë e zjarreve që përfshinë vendin, duke shkaktuar 5 viktima dhe duke detyruar dhjetëra mijëra persona që të largohen nga zonat e tyre të banimit.
Gjendje e jashtëzakonshme u shpall në Kaliforni pasi zjarret u përhapen me shpejtësi të jashtëzakonshme duke bërë që zyrtarët të lëshonin me urgjencë urdhra evakuimi banorët.
Zjarri i fundit, i quajtur Sunset Fire, shpërtheu në Hollywood Hills dhe ka shkaktuar evakuime të detyrueshme, duke përfshirë zonat e mbushura me shtëpi të aktorëve të njohur.
Guvernatori i Kalifornisë, Gavin Newsom, deklaroi se pesë persona humbën jetën “pasi disa zjarre të shkaktuara nga era që flakërojnë në të gjithë qarkun e Los Anxhelosit mbeten kryesisht të pakontrolluara”.
Sakaq, të gjitha shkollat në Distriktin e Unifikuar Shkollor të Los Anxhelosit, i dyti më i madhi në vend, do të mbyllen këtë të enjte pasi zjarret janë përhapur në të gjithë qarkun. Në Palisades, dy shkolla u dogjën deri në themel.
Mbi situatën katastrofike ka reguar edhe Presidenti i zgjedhur amerikan Donald Trump i cili i ka përshkruar zjarret si një “tragjedi të vërtetë” dhe ka fajësuar guvernatorin e Kalifornisë në lidhje me pretendimet për mungesën e ujit.
“Unë i njoh shumë mirë ato zona, kam shumë miq që jetojnë në ato shtëpi. Disa nga shtëpitë më të vlefshme në botë sapo janë shkatërruar”, tha Trump duke iu referuar disa prej shtëpive të aktorëve të njohur, të cilat u shkrumbuan nga zjarret.
Presidenti i zgjedhur gjithashtu sulmoi guvernatorin e Kalifornisë, Gavin Newsom, duke përsëritur pretendimet se zjarrfikësit nuk kishin ujë të mjaftueshëm në hidrantët e tyre për të shuar flakët.
“Është një gabim i guvernatorit dhe mund të thuash administrata. Nuk kanë ujë, nuk kanë pasur ujë në hidrantët e zjarrit. Guvernatori nuk ka bërë punë të mirë, me këtë u thashë, unë kam shkuar mirë me të, kur ai ishte guvernator kemi punuar shumë mirë bashkë. Duket se ne do të jemi ata që duhet ta rindërtojmë atë. Por ajo që ndodhi atje, nuk mendoj se ka ndonjë gjë të tillë që kam parë ndonjëherë.”, theksoi Trump.
Zjarri Palisades që po djeg zonën bregdetare midis Malibu dhe Santa Monica ka shpërthyer në më shumë se 15,800 hektarë me zero kontroll. Ai ka shkatërruar të paktën 1000 struktura , duke e bërë atë më shkatërruesin ndonjëherë në kontenë e Los Anxhelosit .
Zjarri tjetër masiv, zjarri i shpejtë Eaton, po kapërcen shtëpitë në të gjithë Altadenën. Zjarri u përhap në më shumë se 10,000 hektarë dhe tani po kërcënon rreth 13,000 ndërtesa.