Ka dalë foto e viktimës Martin Kastrioti, i cili u aksidentua mëngjesin e sotëm në aksin Pogradec-Qafë Thanë.
Mjeti tip “Volswagen” me drejtues viktimën, u përplas me automjetin tip “Peugeot” me drejtues shtetasin V. P., në afërsi të fshatit Pojskë.
Martin Kastrioti nuk arriti të mbijetojë, ndërsa drejtuesi i mjetit tjetër dhe bashkëshortja e tij, e cila ishte pasagjere në makinë, mbetën të dëmtuar. Çifti i bashkëshortëve u dërguan në spitalin e Pogradecit, ku mësohet se ndodhen jashtë rrezikut për jetën.
Njoftimi i policisë:
Pogradec/ Informacion paraprak
Rreth orës 08:30, në aksin rrugor “Pogradec-Qafë Thanë”, ne afërsi të fshatit Pojskë, automjeti tip “Volswagen” me drejtues shtetasin M. K., është përplasur me automjetin tip “Peugeot” me drejtues shtetasin V. P.
Si pasojë e përplasjes ka ndërruar jetë shtetasi M. K., dhe kanë ngelur të dëmtuar shtetasi V. P., dhe bashkëshortja e tij pasagjer në automjet.
Grupi hetimor ndodhet në vendngjarje për të zbardhur shkaqet e aksidentit.