U kap me mbi 8 kg kanabis në makinë dhe armë pa leje, arrestohet 56-vjeçari në Tiranë

Drejtoria Vendore e Policisë Tiranë ka finalizuar operacionin policor të koduar “Transportuesi”, duke arrestuar një 56-vjeçar që po transportonte një sasi të konsiderueshme kanabisi.

Gjatë operacionit, i identifikuar si Taulant Çyço., banues në Tiranë, u ndalua te rruga “Pandi Dardha” në Laprakë, teksa po udhëtonte me një automjet tip “Audi A3”. Policia, pas informacionit të siguruar përmes inteligjencës informative, zbuloi se ai kishte në automjet 8 kg e 45 gram lëndë të dyshuar narkotike kanabis, të cilën dyshohet se e posedonte për qëllim shitje.

Gjatë kontrollit në automjet, u sekuestruan lënda narkotike, automjeti dhe një armë gjahu pa leje që u gjet gjatë kontrollit të banesës së të arrestuarit.

Sakaq, materialet procedurale iu kaluan Prokurorisë së Tiranës për veprime të mëtejshme.

Leave a Reply

Your email address will not be published. Required fields are marked *

WP2Social Auto Publish Powered By : XYZScripts.com