Ish-Presidenti amerikan dhe kandidati republikan, Donald Trump, ka refuzuar ftesën për debatin e dytë televiziv presidencial.
Refuzimi erdhi pas rivalja e tij demokrate, Kamala Harris, pranoi ftesën nga CNN për debatin e dytë presidencial më 23 Tetor.
Por Trump e ka refuzuar duke thënë se është “shumë vonë” pasi votimi tashmë ka filluar.
Refuzimit të tij ju përgjigj ekipi i fushatës së Kamala Harris, duke u shprehur se meqënëse Trump pretendon fitoren në debatin e parë televiziv, ai duhet ta pranojë sfidën për debatin e dytë.
“Do të ishte e paprecedentë në historinë moderne që të kishte vetëm një debat të përgjithshëm zgjedhor”, tha drejtuesja e fushatës elektorale të Kamala Harris.
Pas debatit të parë televiziv më 10 Shtator, Donald Trump tha se nuk do të kishte debate të mëtejshme për këto zgjedhje.
CNN e ka bërë tashmë ftesën, që është pranuar vetëm nga Harris. Rrjeti televiziv amerikan tha se debati i dytë, nëse do të zhvillohet, do të jetë i të njëjtit format si ai mes Trump dhe Biden në muajin Qershor.