Një influesncuese e njohur fitnesi nga Brazili u vra nga burri i saj gjatë një debati. Pas krimit të rëndë ai e hodhi trupi e pajetë të 30-vjeçares jashtë shtëpisë së prindërve të saj.
Debora Michels, 30 vjeç, u gjet e hedhur në një trotuar, në shtetin jugor të Rio Grande do Sul, në orët e para të së premtes, 26 janar.
Burri, Alexander Gunsch, dyshohet se e ka mbytur Debin. Ai i tha policisë se gruaja e tij bodybuilder filloi të ndihej e sëmurë dhe ai u nis për ta çuar në spital, por kur e kuptoi se ajo kishte vdekur, e hodhi në trotuar përballë shtëpisë së prindërve të saj.
Pamjet e CCTV kapën momentin kur i dyshuari hoqi trupin e Debit nga makina e tij dhe e hodhi në trotuar.
Vëllai i saj i indinjuar dhe i shkatërruar, Alex Michels tha për mediat lokale: “Kjo situatë është e neveritshme. Ajo që kërkon familja jonë është drejtësia. Nuk mund të lini askënd të mbetet pa u ndëshkuar”.
Ai gjithashtu shtoi se Deby dëshironte një divorc.
“Një ditë para krimit ata po diskutonin për divorcin. Gjithçka dukej se ishte mirë, derisa prindërit e mi u zgjuan dhe gjetën vajzën e tyre të vdekur para shtëpisë”, tha vëllai i gruas.
Hetimet policore vazhdojnë dhe bashkëshorti ndodhet në paraburgim. Deby ishte e njohur në mediat sociale dhe kishte mijëra ndjekës që ndiqnin stërvitjet dhe këshillat e saj si trajnere personale.
/a.r