Dy vëllezër të mitur i kanë vjedhur xhiron ditore një farmacisteje në rrethine Matit. Sipas asaj që njofton policia, 25-vjeçarja denoncoi se gjatë kohës që ajo nuk ishte në farmaci të cilën e kishte lënë të hapur, i kanë vjedhur një shumë parash të mbledhura nga xhiroja ditore.
Pas identifikimit të tyre personat e dyshuar nuk janë marrë nën përgjegjësi penale, për shkak të moshës së mitur dhe konsultimit më Prokurorin.
Mat
Në Komisariatin e Policisë Mat, është paraqitur dhe ka bërë kallëzim shtetasja A.B., 25 vjeçe, me profesion farmaciste, e cila ka kallëzuar se gjatë kohës që ajo nuk ishte në farmaci të cilën e kishte lënë të hapur, i kanë vjedhur një shumë parash të mbledhura nga xhiroja ditore.
Si rezultat i hetimeve të kryera nga grupi hetimor, u bë e mundur zbardhja e ngjarjes dhe identifikimi i autorëve të dyshuar që ishin dy shtetas të mitur (vëllezër). Për shkak të moshës së mitur dhe konsultimit më Prokurorin, personat e dyshuar nuk janë marrë nën përgjegjësi penale.
Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm, Dibër.
/a.r