Ushtria amerikane ka rrëzuar një raketë lundrimi të nisur drejt një prej anijeve të saj luftarake nga një zonë Houthi në Jemen.
Raketa e lundrimit kundër anijeve, e nisur drejt USS Laboon në Detin e Kuq, u rrëzua në brigjet e Hudaydah nga një avion luftarak amerikan, ndërkohë që nuk raportohet për të lënduar apo dëme, në incidentin e pasdites të së dielës.
Incidenti vjen pasi SHBA dhe Britania e Madhe nisën sulme që synojnë degradimin e aftësive ushtarake të Houthis, të cilët kanë sulmuar anijet e ngarkesave të Detit të Kuq.
SHBA dhe Britania e Madhe goditën gati 30 vendndodhje në Jemen të premten, duke përfshirë depo armësh, qendra logjistike dhe sisteme të mbrojtjes ajrore.
Ky është incidenti i fundit në Detin e Kuq, ku Houthi-t kanë sulmuar anijet ndërkombëtare në atë që ata thonë se është një fushatë për të mbështetur palestinezët e rrethuar nga forcat izraelite në Gaza.
/a.r