Qeveria amerikane ka miratuar shitjen prej 23 miliardë Dollarësh të 40 avionëve të rinj luftarakë F-16 në Turqi, një veprim që ishte vonuar gjatë pasi Ankaraja ratifikoi pranimin e Suedisë në NATO.
Për herë të parë, ajo bëri kërkesën për avionët në vitin 2021, por vonesa e saj në ratifikimin e ofertës suedeze për NATO-n doli të ishte një pengesë e madhe. Por deputetët turq ratifikuan ofertën e Suedisë këtë javë dhe presidenti turk Tajip Erdogan dha nënshkrimin e tij përfundimtar. Më pas, Presidenti i SHBA Joe Biden kërkoi që shitja e F-16 të miratohej pa vonesë.
Pushtimi i plotë i Rusisë në Ukrainë në Shkurt 2022 rriti rëndësinë e Turqisë si një mburojë e NATO-s në rajonin e Detit të Zi.
“Aprovimi im i kërkesës së Turqisë për blerjen e avionëve F-16 ka qenë i kushtëzuar nga miratimi i Turqisë për anëtarësimin e Suedisë në NATO”, tha senatori demokrat Ben Cardin.
Tani Hungaria është i vetmi anëtar i NATO-s që ende nuk ka ratifikuar pranimin e Suedisë, megjithëse kohët e fundit ka pasur shenja përparimi.
/a.d