Qendra Kombëtare e Transfuzionit të Gjakut tashmë është transformuar me pajisje të teknologjisë së lartë dhe digjitalizim të shërbimeve.
Ndërsa inspektuan rindërtimin e plotë të godinës, kryeministri Edi Rama dhe ministja e shëndetësis, Albana Koçiu, theksuan se standardet europiane në dhurim, testim, përpunim, ruajtje dhe shpërndarje të gjakut do të ndikojnë në rritjen e numrit të vullnetarëve dhurues.
“Janë 60 punonjës që shërbejnë në këtë infrastrukturë të re dhe shërbejnë për të gjithë dhuruesit që paraqiten këtu. Kjo qëndër ka marrë certifikatën e garantimit të cilësisë nga Drejtoria Europiane për menaxhimin e cilësisë”, tha ministrja.
“Njerëzit duhet ta kuptojnë se kush jep gjak ndihmon dhe veten përmes rigjenerimit”, u shpreh kryministri Edi Rama.
Nëse i referohemi të dhënave për vitin 2023, vetëm 25 % e nevojave për gjak plotësohen nga dhurimet vullnetare ndërsa pjesa tjetër nga familjarët e individëve që kanë nevojë.
/f.s