Kryeministri Edi Rama ka inspektuar këtë të premte projektet që janë në zhvillim në qytetin e Beratit, si tregu i ri, rehabilitimi i sheshit kryesor deri tek parkimi, fasadat e ndërtesave dhe ura e re.
Gjatë inspektimin, kreu i qeverisë e cilësoi Beratin si ‘qytet të rilindur’ dhe tha se arritja më e madhe e bërë është rikthimi besimit të qytetarëve për zhvillimin e qytetit.
Rama shprehet se po vihen në zbatim një grup projektesh me rëndësi për qytetin, që nga sheshi kryesor mbi parkimin e madh publik, pedonalet e reja, rikualifikimi i ndërtesave, tregu i gjelbër me 120 vende për prodhimet e fermerëve, si dhe ndërhyrje të tjera të cilat pritet të përfundojnë të gjitha në të njëjtën kohë.
“Në Beratin e rilindur ku po marrin jetë një grup projektesh me rëndësi për qytetin, që nga sheshi kryesor mbi parkimin e madh publik, pedonalet e reja, rikualifikimi i ndërtesave, tregu i gjelbër me 120 vende për prodhimet e fermerëve, si dhe ndërhyrje të tjera, të domosdoshme jo vetëm për banorët, por dhe për turistët, të cilët vijnë gjithnjë e më të shumtë në qytetin e UNESCO-s, duke arritur shifrën rekord të 800 mijë vizitorëve në 2023“-shkruan ndërkohë Rama në Facebook pas inspektimit.