Jennifer Lopez ka për detyrë të shpëtojë njerëzimin në filmin e ardhshëm fantastiko-shkencor “Atlas”. Netflix publikoi trailerin e parë, me yllin që luan Atlas Shepherd, një analiste e shkëlqyer e të dhënave me një mosbesim të thellë ndaj inteligjencës artificiale.
Ajo i bashkohet një misioni për të kapur një robot renegat, me të cilin ndan një të kaluar misterioze. Por kur planet shkojnë keq, shpresa e saj e vetme për të shpëtuar të ardhmen e njerëzimit nga inteligjenca artificiale është t’i besojë asaj.
Me regji të Brad Peyton, i cili më parë drejtoi filmin San Andreas dhe Rampage me aktorin Dwayne Johnson, skenari i filmit është shkruar nga Leo Sardarian dhe Aaron Eli Colleit.
Përveç aktores dhe këngëtares së njohur, në kast bëjnë pjesë ndër të tjera Simu Liu, Sterling K. Brown, Greg James Cohan, Lana Parilla dhe Mark Strong.
Hiti i Lopez i vitit të kaluar “The Mother” është në vendin e 8-të në listën e filmave më të njohur në gjuhën angleze të platformës, pas “Glass Onion” të Daniel Craig dhe “Extraction” të Chris Hemsworth. Filmi i ri i yllit magjepsës me titull ‘Atlas’ pritet të ketë premierë në Netflix më 24 maj.