Social demokratët e Tom Doshit bashkojnë votat me opozitën, PD zyrtare dhe Rithemelimin, duke i rrëzuar kalimin e buxhetit të vitit 2024 bashkisë Malësi e Madhe.
Mbledhja e zhvilluar mesditen e së hënës, ku ishin të pranishëm 27 këshilltarë, i dha 14 vota pro dhe 13 kundër buxhetit. Ndërkohë që 4 këshilltarë nuk morën pjesë në mbledhjen me të rëndësishme.
Me shumicë votash nuk u miratua edhe dhënia me qira e një siperfaqeje pyjore në zonën e Kozhnjës në Kelmend. Mbledhja u shoqërua me debate ndërsa i pranishëm ishte edhe kryetari i bashkisë Tonin Marinaj.
Prej muajsh, që pas zgjedhjeve vendore, PSD doli në opozitë me qëndrimet ndaj bashkisë së Malësisë së Madhe dhe kryebashkiakut Marinaj, ku denoncimet dhe kritikat i ka patur të shpeshta.
Vota e sotme forcoi qëndrimin e mbajtur nga kjo forcë politike që në zgjedhje ishte krah PS ndërkohë që nuk dihet nëse kjo është një lëvizje politiike e PSD në të gjitha bashkitë ku ka këshilltare apo vetëm në Malësine e Madhe, pasi siç dihet në fund të muajit dhjetor, anetarët e PSD në këshllin bashkiak të Shkodrës miratuan buxhetin për bashkinë Shkodër duke bashkuar votat me socialistet./m.j