Edhe sot në Serbi vazhduan protestat antiqeveritare të lëvizjes studentore, të mbështetura nga kategori të tjera punonjësish dhe mbështetës të opozitës, të cilët akuzojnë autoritetet për korrupsion të përhapur, kontroll të medieve dhe demokraci të dobët.
Tubimet, marshimet dhe bllokimet e rrugëve janë duke u zhvilluar që nga mëngjesi i sotëm në Beograd dhe në disa qytete të tjera anembanë vendit – veçanërisht Novi Sad, Nish, Kragujevc dhe Çaçak, shkruan ANSA.
Ndërprerjet e trafikut ishin të pashmangshme, veçanërisht në kryeqytet dhe Novi Sad, ku bllokadat në zonat qendrore të dy qyteteve zgjatën për disa orë.
Në të gjitha qendrat e protestës mbahen 16 minuta heshtje çdo ditë, aq sa numri i viktimave. Një incident i lidhur me neglizhencën dhe korrupsionin në të gjitha nivelet, politik dhe administrativ.
Pavarësisht se autoritetet kanë përsëritur prej kohësh se kanë pranuar dhe plotësuar të gjitha kërkesat e studentëve dhe pavarësisht dorëheqjes së qeverisë në fund të janarit, protesta vazhdon dhe merr konotacione të hapura politike, duke synuar vetë presidentin Aleksandër Vuçiç, i akuzuar për centralizimin e pushtetit dhe vendosjen e një regjimi autentik autoritar në Serbi/KosovaPress.