Portieri i Kombëtares Shqiptare, Etrit Berisha është bërë baba për herë të parë. Lajmi i ëmbël është bërë me dije nga vetë Etriti, i cili nëpërmjet një postimi në rrjetin social të Instagram-it, ka ndarë portretin e të birit.
Nëpërmjet postimit ai ka zbuluar dhe emrin e vogëlushit të cilin e ka quajtur, Edgar.
“Mirësevjen biri im Edgar, lumturia i mamit dhe i babit, qofsh përjetë i bekuar.”- shkruan ai.
Pavarësisht se ai është një figurë e njohur për publikun shqiptar, ai është munduar prej vitesh të mbajë jetën e tij private larg mediave.