Pas raketave edhe mina anti-personnel SHBA ngre alarmin për një sulm të madh, mbyll ambasadën në Kiev, pasi i dha dritën jeshile Ukrainës për përdorimin e raketave ATACMS kundër territorit rus, Joe Biden aprovon gjithashtu dërgimin e minave tokësore anti-personel për Ukrainën. Ky hap që bëhet i ditur nga një zyrtar amerikan, mund të ngadalësojë përparimin e Rusisë në lindje, veçanërisht nëse përdoret bashkë me municionet e Shteteve të Bashkuara. Siç thuhet Uashingtoni pret që Kievi t’i përdorë minat në brendësi të territorit të vet, dhe jo në zona me dendësi të lartë popullsie.
Të martën Ukraina sulmoi për herë të parë Rusinë, saktësisht Rakonn e Briansk, me raketat amerikane ATACMS teksa lufta shënoi 1 mijë ditë. Përmes ministrit të Jashtëm Sergei Lavrov, Moska e cilësoi këtë një sinjal se Perëndimi donte përshkallëzimin e luftës.
Kundërpërgjigjja e menjëhershme e Rusisë ishte miratimi i ndryshimeve të doktrinës bërthamore, duke ulur pragun për përdorimin e këtyre armëve në përgjigje të një sulmi konvencional.
“Nuk jemi të befasuar nga ndryshimi I doktrinës bërthamore të Rusisë. Është e njëjta retorikë e rrezikshme që e kemi parë dhe më herët, përgjatë 2 viteve të fundit. Por nuk kemi parë ndonjë sinjal se Rusia mund të jetë u përgatitur për të përdorur këto lloj armësh”, tha Sabrina Singh, zëdhënëse e Pentagonit.
Vendimi për raketat dhe më pasi minat, erdhi teksa ushtria ruse e ka përshpejtuar ritmin e përparimit përgjatë frontit të luftës, dhe ka intensifikuar bombardimet rreth Ukrainës duke shënjestruar infrastrukturën energjetike në prag të dimrit.
Në një lëvizje të rrallë ambasada amerikane në Kiev është mbyllur përkohësisht, pas informacioneve për një sulm të madh ajror nga Moska më 20 nëntor. Uashingtoni udhëzoi qytetarët të përgatiten për t’u strehuar menjëherë në zona të sigurta nëse do të bien sirenat e alarmit.
/a.r