Kompania Micro Credit Albania, me të cilen pretendonte të kishte probleme Pal Trashaj, 63 vjeçari që u vetëflijua me fostoksinë para godinës së SPAK, tha se i ndjeri nuk kishte asnjë sekuestro mbi pasuritë e tij.
Përmes një reagimi për median, MCA u shpreh se prej 18 muajsh, nga janari 2023, me vendim të përmbaruesit është urdhëruar heqja e të gjitha sekuestrove mbi llogaritë dhe pasuritë e Trashajt.
MCA pretendoi se ka zbatuar në mënyrë të përpiktë dhe të dokumentuar të gjitha etapat e njoftimit të subjektit, sipas ligjit.
“Ka zero mundësi ligjore që kompanitë e likuidimit të borxheve të këqija, apo përmbaruesit të mbajnë peng apo të luajnë me faktorin ‘zvarritje’ në kurriz të kredimarrësit”, thuhej në reagimin e MCA.