Deputeti socialist Lavdrim Krashi ka qenë i ftuar këtë mëngjes në emisionin “7pa5” në Vizion Plus, ku ka folur për mbledhjen e qeverisë që po mbahet në Shëngjin dhe ngjarje të tjera në politikë.
Ai tha se mbledhja mbahet për të caktuar disa objektiva dhe sfidat me të cilat qeverisja do të përballet gjatë këtij viti.
Krashi ka komentuar gjithashtu edhe zërat që thonë se në Partinë Socialiste nuk ka vend për mendim të dytë dhe se dëgjohet vetëm fjala e liderit.
“Ka vend për mendim të dytë, të tretë, të pestë, të shtatë sepse ky është kuptimi i pluralizmit. Fakti që kemi pikëpamje të ndryshime nuk na bën armiqësor. Unë kam më shumë se dy vjet që jam anëtar i Parlamentit dhe e ndjej veten që mund të shpreh gjithçka që duhet shprehur. Ka raste që partitë nuk janë vija të drejta, ka vend për të gjithë.
Nuk mund të pretendojmë që pas 30 vitesh politika shqiptare është çliruar komplet nga tendencat që kishte në kohën e komunizmit. PS nuk është immune nga kjo. Shpeshherë ndjekin metoda të komunizmit dhe vazhon nga parti që e quajnë veten shumë perëndimore dhe shumë demokratike”, tha ai.
Krashi u ndal gjithashtu te imazhi që është krijuar për deputetët, teksa disa veprime të kolëgëve të tij i kritikoi.
“Ne kemi krijuar edhe disa qasje, krijohen disa stereotipe, quhet normasle që dikush që është politikan duhet të jetojë në shtëpi luksoze, me makina luksoze. Është shumë e gabuar.
Është një nga gjërat e shëmtuara.Unë nuk e kuptoj si një deputet që jeton në Tiranë vjen me një makinë 4×4. Tani shpresoj që bashkia t’i përmirësoj autobusët. Ka vend për përmirësim trasnporti public dhe do ta bëjë Shqipërinë më atraktive. Kjo nuk është justifikim të vijnë me makina që përdoren në Amerikën e madhe për të kaluar nga një shtet në një shtet tjetër”, u shpreh Krashi.
Deputeti doli edhe për ministrinë e re të Ekonomisë, Kulturës dhe Inovacionit, e cila do të drejtohet nga Blendi Gonxhe.
“Qeveria ëhstë një strukturë dhe ristrukturimet janë krejt normale në kohët që jetojmë. Është e pazakontë që pjesa e kulturës të jetë e përfshirë në ekonomi. Por edhe kultura është ekonomi. Është një delegim pushteti që ia kemi bërë kryeministrit që të krijojë një strukturë që mendon se do ta shpalosë më mirë programin e Pratisë Socialiste”, tha Krashi, teksa foli edhe për drejtuesin e kësaj ministrie.
“Është një emër mjaft i njohur. Është person që ka dhën kontributin e tij që në fillimin e proceseve denmokratike. E kam ndjerë transformimin që ka ndodhur në shërbimet e transportit rrugor. Besoj se do të jetë në lartësinë e duhur për kushtet e njeriut që e propozoi.
Pritshmëritë e mia janë shumë pozitive, është një administrator i mirë, një njeri i mirëartikuluar”, tha Krashi.
/a.r