Analisti Plator Nesturi i ftuar në emisionin “3D” në RTSh deklaroi se Shqipëria do të përfitojë nga mbështetja e Italisë. Analisti shtoi gjithashtu se përfitimi i Shqipërisë është aspekti i çështjeve të integrimit dhe të aleancave që përfitojmë.
“Mos ta ngatërrojmë betejën politike me atë që ndodh realisht dhe ju të jeni gjithmonë të vëmendshëm edhe për çfarë do të ndodh atje, për të gjitha frikërat që keni dhe jeni në të drejtën tuaj por nuk jeni në të drejtën tuaj të përhapni këtë lloj paniku.
Kemi të bëjmë me një marrëveshje dhe nuk kemi të bëjmë me një rast emergjence dhe e ke të paparashikuar siç e ka Italia që sa herë që ka prurje dhe do të detyrohet ti akomodojë në kampet e veta dhe që ka problematikë me vendet e tjera evropiane.
Merr Shqipëria, jo qera apo gjëra të tjera dhe më mirë që nuk e merr, ndërsa në rastin konkret kemi element të tjerë të cilat e bëjnë një marrëveshje të vlefshme për atë çka kërkon ky shtet. Përfitimi i Shqipërisë është së pari është aspekti i çështjeve të integrimit dhe të aleancave të tanishme në një botë e cila po ndryshon në një mënyrë shumë të shpejtë”, u shpreh Nesturi.
/a.r