Në kuadër të operacionit policor të koduar “Fake Promise” kanë rënë në pranga pronari 22-vjeçar O.P. dhe administratori i një “call centeri”, 25-vjeçari E.M. Gjithashtu janë proceduar në gjendje të lirë 3 operatore, qytetaret J.B, 36 vjeçe, S.Gj, 27 vjeçe, dhe Xh.M, 30 vjeçe.
Në këtë subjekt të paregjistruar në “Rrugën e Dibrës” ishin të punësuar si operatore qytetaret e lartpërmendura, të cilët së bashku me administratorin telefononin shtetas të huaj dhe u prezantoheshin si agjentë shitjesh dhe përmes mashtrimit, i bindnin ata që të investonin në faqen “Coin Tracking”, faqe kjo ku gjendeshin fondet që ishin rekuperuar.
Gjatë operacionit u sekuestruan në cilësinë e provës materiale, 5 njësi kompjuterike, 7 aparate celulare dhe lista me të dhëna të ndryshme të shtetasve të huaj që dyshohet se janë mashtruar për të investuar në bursa fiktive. Materialet i kaluan Prokurorisë për veprime të mëtejshme procedurale.