Presidenti egjiptian, Abdel-Fattah el-Sisi dhe presidenti rus, Vladimir Putin u zotuan të punojnë së bashku për të arritur një armëpushim në luftën midis Izraelit dhe Hamasit.
El-Sisi dhe Putin diskutuan zhvillimet rajonale në një bisedë telefonike, tha zëdhënësi presidencial egjiptian Ahmed Fahmy, shkruan Al Jazeera.
“Të dy presidentët ranë dakord të vazhdojnë të veprojnë, seriozisht, për të arritur një armëpushim, duke theksuar nevojën imperative që komuniteti ndërkombëtar të marrë përgjegjësitë e tij në këtë drejtim”, tha ai në një deklaratë.
