Spektakli me personazhet e famshme, Ferma VIP ka pak javë që ka nisur transmetimin, megjithatë prej tani ka pasur të qeshura pa fund mes banorëve.
Ishte këngëtari Dijonis Biba, i cili rikrijoi momentin epik të Bleros, me të cilin ky i fundit u bë i famshëm gjatë sezonit të dytë të Big Brother VIP Kosova; megjithatë Dijonisi e solli në një version pak më ndryshe.
“Kur nuk të do populli, nuk të do as produksioni”, ishin fjalët e këngëtarit. Më pas ishte aktori Albano Bogdo i cili i vazhdoi skenarin duke e pyetur, “çfarë do të thotë kjo”; Dijonisi i dha përgjigjen epike duke i thënë: “gjithçka”.
Këngëtari Blero, ishte bërë viral në internet me momentin e tij epik në BBVK, fjalët të cilët ishin interpretuar nga përdorues të shumta. “Kur nuk të do familja jote, nuk të do as kojshia”, ishte pikërisht ky term, që nuk ka lënë vend pa u shpërndarë.
Ferma VIP ka nisur pak javë më parë, një ‘reality show’ pak më ndryshe por me personazhe e me emra mjaft të njohur të ekranit.
Banorët aty do të jetojnë me disa sfida interesante, brenda një ferme, dhe do të qëndrojnë së paku 100 ditë.
c