Policia e Vlorës njofton se ka goditur një tjetër rast të zënies së hapësirës publike në zonat bregdetare.
Sipas njoftimit të saj, janë proceduar penalisht 3 administratorë subjektesh, të cilët zunë hapësirë rreth 8000 m², në zonë të mbrojtur, në Karaburun, në vendet e quajtura “Zhanpovel” dhe “Shën Vasil”, për stacion plazhi, bar dhe restorant.
Policia gjatë operacionit gjeti punonjës të pasiguruar, si dhe evidentoi faktin se ofroheshin shërbime dhe produkte, pa kupona tatimorë.
Gjatë operacionit u sekustruan edhe 300 shezlongë, ndërsa nisi procdim penal për shtetasit K. B., E. Ç. dhe V. B.
“Shërbimet e Policisë, në bashkëpunim me autoritetet e Inspektorateve Ndërtimore, Drejtorinë e Tatimeve, AKB-në dhe Policinë Bashkiake Vlorë, kanë konstatuar në hapësirën e zaptuar për stacion plazhi, në mënyrë të paligjshme nga këta 3 subjekte, një strukturë druri rreth 500 m², të ndërtuar pa leje, me fushë veprimtarie bar-restorant, si dhe 300 shezlongë të vendosur, të cil՞t janë hequr, duke liruar hapësirën publike në Karaburun.
Gjithashtu, nga verifikimet e kryera ka rezultuar se në këto subjekte kishte punonjës të pasiguruar, si dhe ofroheshin shërbim dhe produkte, pa lëshuar kupona tatimorë. Materialet i kaluan Prokurorisë, për veprime të mëtejshme. Operacionet policore “Coastline” dhe “Plazhi i Lirë” do të vijojnë intensivisht në qarkun Vlorë”, përfundon njoftimi i policisë.
/a.r