Asistentja e Sean “Diddy” Combs, Suzi Siegel ka folur së fundmi në lidhje me akuzat për abuzim.
Siegel, e cila punoi si asistente e Diddy nga viti 2008 deri në 2009, deklaroi se nuk ishte e befasuar nga akuzat e bëra nga Cassie apo pamjet e shfaqura së fundmi.
Ajo zbuloi se edhe pse nuk kishte parë ndonjë sjellje abuzive gjatë kohës që punonte për Combs’, “nuk kishte asnjë qelizë në trupin tim që të ishte e befasuar”.
Padia e Cassie, e paraqitur në nëntor, akuzoi Combs për përdhunim, trafik seksual dhe dhunë në familje.
Pamjet e publikuara nga CNN tregojnë Combs duke e kapur, shtyrë dhe shkelmuar atë, duke u përputhur me pretendimet e saj në padi.
Siegel u shpreh se ndihej “e zemëruar” pasi mësoi për këto zhvillime.
Veçanërisht, pas padisë së Cassie, shumë individë të tjerë thuhet se kanë akuzuar Diddy për krime të ngjashme, të cilat ai i ka mohuar të gjitha.