Agjencia e Mbikëqyrjes Policore ka vënë në pranga një 27-vjeçar nga Siria për veprën penale, prodhim dhe shitje narkotikësh, e kryer në bashkëpunim.
Bëhet e ditur se i riu, i cili ka edhe shtetësi shqiptare dhe precedentë penale, është kapur nga policia e Tiranës duke qarkulluar me automjetin e një nënkomisari policie, me detyrë Specialist në Seksionin kundër Narkotikëve në DVP Shkodër.
Pas kontrolleve në automjet, të riut iu gjet një sasi kokaine. Për rastin, nisën hetimet për punonjësin e policisë, H.P. Ndërkohë, vijojnë hetimet për identifikimin e personave të tjerë të përfshirë, si dhe rolin e punonjësit të policisë.
/a.r