Nënkryetari i Parlamentit dhe deputeti i Partisë Demokratike Agron Gjekmarkaj ka lënë ambientet e spitalit, pasi humbi ndjenjat pasditen e së hënës në marshimin e opozitës, të mbajtur në disa akse të kryeqytetit.
Policia i qëndron versionit të saj se nga ana e tyre nuk ka patur përplasje me deputetin e opozitës dhe nuk është goditur nga asnjë punonjës i forcave blu, ndryshe nga reagimi i opozitës.
Rezulton se vetë Gjekmarkaj nuk është ndjerë mirë nga ana shëndetësore dhe është larguar nga protesta.
Pas daljes nga spitali, deputeti Agron Gjekmarkaj ka reaguar publikisht, duke thënë se u ndje keq si pasojë e veprimeve të policisë, që sipas tij, “gati e ngritën në ajër”.
Deputeti ishte i pozicionuar në “Pallatin me Shigjeta”, aty ku u ndesh me ndërhyrjen e forcave policore, duke ndjerë shqetësime me frymëmarrjen.
Ai u paraqit menjëherë në Spitalin e Traumës për të marrë shërbimin e menjëhershëm shëndetësor.
Reagimi i Deputetit Agron Gjekmarkaj:
Nuk do të kisha reaguar persa ndodhi dje me mua në proteste nëse policia e shtetit nuk do me fyente se dyti me deklaraten e vet publike e dizinformuese!
Nuk e pelqej as e kerkoj viktimizimin! Madje kurrë në jeten time nuk kam kerkuar as nxitur ballafaqime fizike! Nuk kam sulmuar asnjeherë askënd! Dje thjesht jam mbrojtur. I gjendur para një makine të vogel bashkë me shoqeruesin tim , punonjes i gardes, i cili u keqtrajtua gjithashtu ndonese u tregoi edhe dokumentin identifikues, u rrethova nga një grup i madh policesh ! Ju thashe mos me prekni , jam Agron Gjekmarkaj, Nen Kryetari i Kuvendit të Republikes , deputet, pedagog Universiteti me butesi gati me humor , nuk shquhem per force fizike nuk bëj palester, ndaj bëni kujdes! Me shtynë brutalisht , me shume forcë, thyen e edhe pasqyren e vetures duke me ngritur gati në ajer mua ! Me terhoqi shoqeruesi me shumë mundim dhe një djale nga Lezha permes policeve teksa ndieja frymarrjen qe po me ngadalesohej! Sapo dola nga turma e policeve duke me terhequr te tjeret humba ndjenjat! Nuk u ndieva keq se kisha probleme me shendetin por si pasoje e veprimeve të policisë! Nuk u largova nga protesta se desha të largohem, por me detyruan, nuk u largova për të shkuar në kafe apo shtepi por në spital!
Me ka mbetur në kujtesë egersia në shikim e dy tre oficerve të policisë, zelli i tyre si dikur motit kur arrestoheshin deputet e opozites në 1946 , u dukej e padrejte që dikush guxon të protestojë kunder pushtetit të tyrë se ata e shohin pushtetin si gjënë e tyre, pse jo edhe si instrument dhune! Gjithsesi ata nuk mund të shtynin një deputet në atë menyrë pa një urdher politik!
Perfitoj nga ky rast i trishtë të falenderoj të gjithë ata që mu gjinden pranë , protestuesit , demokratet e qytetaret e Lezhes, drejtuesit dhe deputetet e PD , mjeket e spitalit ushtarak dhe ata të QSUT për ekzaminimet dhe sherbimin, falenderoj qendra miq e të njohur nga vendi e Bota per atë lum mesazhesh që kam marrë prej tyre ënde në pamundesi për tu kthyer pergjigje individualisht!
Shpreh keqaerdhje të thellë për të gjithë të lenduarit e të ndaluarit të cilet perpiqen per një Shqiperi më të mirë që nuk e moren vemendjen që mora unë! Ne nuk kemi frikë!
Sot jemi në vigjilje të Krishtlindjeve ! Qofshin ato të bardha per ju dhe të gjithë shqiptaret! Të tjerat do të jenë më të mira!