GJKKO ka kaluar për gjykim çështjen ndaj Kreshnik Hajdarit, Kryetarin e Bashkisë së Kuçovës. Vendimi është marrë ditën e sotme. Kryebashkiaku do të gjykohet për “falsifikimi i vulave, i stampave ose i formularëve”.
Në të njëjtin, vendim gjykata pranoi gjykimin e shkurtuar për Hajdarin.
Hajdari në formularin e vetëdeklarimit, para se të kandidonte në zgjehdjet e 14 majit, ka pohuar se nuk ka qenë ndonjëherë në hetim ose gjykim nga një autoritet i huaj, për kryerjen e një vepre penale, si dhe nuk ka qenë ndonjëherë i dënuar me vendim të formës së prerë nga një autoritet gjyqësor shqiptar ose i huaj.
Mirpëpo, nga aktet e administruara dhe provat e marra nëpërmjet letërporosisë nga Autoritetet Greke të Drejtësisë, rezulton se Kreshnik Hajdari është i dënuar me vendimin e formës së prerë të Gjykatës së Shkallës së Parë Janinë.
SPAK thekson se “i pandehuri Kreshnik Hajdari, kishte detyrimin ligjor për të deklaruar te formulari i vetëdeklarimit këtë rrethanë, në lidhje me dënimin e tij nga një gjykatë e huaj”.
/a.r