Dy të rinj që janë konstatuar nga efektivët e policisë Rrugore duke bërë gara me makina në qendër të Tiranës, kanë përfunduar pas hekurave.
Mësohet se pas ndalimit nga policia, të rinjtë janë konstatuar se i drejtonin mjetet në gjendje të dehur.
Ata po ashtu nuk i janë bindur urdhrit të punonjësit të policisë, gjatë kryerjes së veprimeve për ndalimin e tyre.
“D. D., 22 vjeç dhe B. U., 24 vjeç, të dy banues në Tiranë, pasi në rrugën “Abdi Toptani”, janë konstatuar duke bërë gara shpejtësie me automjete që i drejtonin në gjendje të dehur dhe pa leje drejtimi”, sqarojnë autoritetet.
/a.r