Edhe pse e kërkoi me ngulm komisionin hetimor për çështjen e të dhënave të sistemit TIMS, opozita duket se tashmë është e painteresuar për të finalizuar këtë proces. Në mbledhjen e sotme ku do të raportojë shefja e SHISH, Vlora Hyseni dhe ish kreu i AMP, Ardi Veliu, anëtarët e opozitës nuk janë paraqitur ende në mbledhjen e njoftuar për orën 11:00. Mungon gjithashtu kryetari i komisionit hetimor, Ervin Salianji. Ndërkohë anëtarët e mazhorancës kanë mbërritur të gjithë.
