Forcat Ajrore të Ukrainës thonë se një nga pilotët e tyre të avionëve luftarakë F-16, thyeu një rekord botëror muajin e kaluar, duke rrëzuar gjashtë raketa ruse gjatë një dislokimi të vetëm.
Sipas mediave të huaja që citojnë FA të Ukrainës, piloti rrëzoi raketat e lundrimit gjatë një sulmi ajror rus më 13 dhjetor që përfshinte më shumë se 200 raketa dhe drone.
Po ashtu në njoftim thuhet se kishte “konfirmim 100%” se bëma u krye “për herë të parë në histori në luftime anti-ajrore”.
Gjithashtu në njoftim thuhej se piloti i paidentifikuar mori “duartrokitje dhe ovacione” kur u kthye në tokë dhe se zyrtarët amerikanë “ishin të befasuar” nga lajmi.
Kujtojmë se mijëra persona, civilë e ushtarakë, kanë humbur jetën në luftën në Ukrainë që nga shkurti i vitit 2022, kur Rusia nisi agresionin e pajustifikuar ndaj fqinjit të saj perëndimor.