Ekspertët e energjisë dhe biznesi në Kinë bëjnë thirrje për zhvillim të përshpejtuar të metanolit të gjelbër, duke nënvizuar potencialin e tij si lëndë djegëse e rinovueshme për të mbështetur qëllimin e vendit për të arritur neutralitetin e karbonit përpara vitit 2060, shkruan “China Daily”.
“Geely Holding Group” ka eksploruar metanolin si një burim energjie për më shumë se 20 vjet, duke e parë atë si një zgjidhje të qëndrueshme që mund të prodhohet nga energjia e tepërt e erës dhe diellit, duke reduktuar varësinë nga karburantet fosile.
“Geely” do ta përdorë metanolin në sektorë të ndryshëm, duke përfshirë aplikimet komerciale dhe detare, ku ofron një alternativë efikase dhe me emetim të ulët ndaj karburanteve konvencionale.
Krahasuar me kamionët me naftë që plotësojnë standardet Kombëtare VI, të cilat janë më të rreptat në Kinë, makinat elektrike metanol-hidrogjen të “Geely” reduktojnë ndjeshëm emetimet. Ato kanë arritur një reduktim 98 për qind të grimcave, një ulje prej 88 për qind të monoksidit të karbonit dhe një reduktim 82 për qind të oksideve të azotit.
Projekti pritet të reduktojë emetimet e dyoksidit të karbonit me rreth 150.000 ton në vit, ekuivalente me ripyllëzimin e 150.000 hektarëve tokë.