Gjykata e Lezhës ka dënuar me 6 vite burgim Antonio Lekën, 37-vjeçari i cili u kap me armë dhe municione luftarake në vitin 2023.
37-vjeçari akuzohet për armëmbajtje pa leje, shitje te lëndëve narkotike, mbajtje të armëve të ftohta si dhe “përgatitje te kushteve për vrasje”.
Kujtojmë se Antonio Leka u kap në aksin rrugor Milot-Lezhë, pranë ishull Shëngjinit. Para se të prangosej ai ndaloi në një servis makinash ku u pa i armatosur dhe i veshur me jelek antiplumb.
Në dëshminë e dhënë para hetuesve, Leka ka deklaruar se ishte nisur për të vrarë politikanët, ndërsa e prezantoi veten si patriot duke demonstruar tatuazhet në trup.
Ai ra në prangat e policisë pas denoncimit të bërë nga familjarët e tij, të cilët e panë të lëvizte i veshur me jelek antiplumb dhe armë.
/a.r