I ftuar në “Verissimo” këngëtari Ermal Meta ka folur për emocionet që po përjeton teksa së shpejti do bëhet baba për herë të parë.
“Një aventurë e bukur do nisë”, tha artisti me origjinë shqiptare, fitues i Festivalit të Sanremos 2018. Më pas Meta zbuloi edhe emrin e vogëlushes që do të lindë në qershor.
“Ajo do të quhet Fortuna Marie”.
Titullin e albumit të ri “Buona Fortuna” këngëtari ia ka kushtuar vajzës së tij.
“Ne e morëm vesh lajmin kur kisha filluar të punoja për albumin dhe më duhej të konceptoja gjithçka përsëri nën dritën e një energjie tjetër”, shpjegoi ai.
“Kam biseduar me miq të tjerë, thonë se është normale të ndjesh këto emocione. Jam i ngrirë dhe i lumtur duke pritur të shoh fytyrën e saj”- thotë këngëtari.