Peruja, një nga vendet fqinje të Ekuadorit, ka nxjerrë forcat speciale për të monitoruar kufirin pas shpalljes së gjendjes së emergjencës nga presidenti Daniel Noboa.
Dekreti i kreut të shtetit, nuk u prit mirë nga disa grupe narkotrafikantësh të cilët nisën aktet e dhunës në disa zona të Ekuadorit, duke vrarë policë e marrë njerëz peng.
Incidenti më i rëndë u regjistrua në Guayaquil ku njerëz të maskuar hynë në studiot e një televizioni lokal dhe kërcënuan me armë të gjithë të pranishmit.
Gjithashtu, akte dhune pati dhe në një prej burgjeve kryesore të vendit, ku forcat e sigurisë u morën peng dhe disa prej tyre u vranë.
Gjithçka nisi kur presidenti Noboa vendosi të shpallë gjendjen e jashtëzakonshme për 60 ditë pas arratisjes nga burgu të një prej trafikantëve më të njohur në vend Adolfo Macias, që mban nofkën “Fito”.
/a.r