Ish-kryeministri Sali Berisha, duke folur i folur simpatizantëve të tij nga ballkoni i banesës ku ndodhet në arrest shtëpie, kujtoi Heroin tonë Kombëtar, Gjergj Kastriot Skënderbeun, në përvjetorin e vdekjes së tij.
Berisha tha se ai vazhdon të mbetet një frymëzim për çdo shqiptar dhe është një engjëll që vazhdon ta ruajë Shqipërinë dhe shqiptarët.
Ai tha se Skënderbeu luftoi kundër një pushtuesi të huaj, ndërsa qytetarët që marrin pjesë në aksionin e opozitës, por luftojmë me një pushtim të brendshëm, më barbar se çdo pushtim tjetër.
Ish-kryeministri shtoi, se Rama përdori të gjithë mjetet për të asgjësuar opozitën, por dështoi sepse sot rruga e “Shpresës” është rruga e parlamentit të lirë të shqiptarëve.
Pjesë nga fjala e Berishës:
Sot Shqiptarët kudo që janë, nderojnë me adhurimin më të madh prijësin e tyre të përjetshëm, Skënderbeun, në ditën e përjetësisë së tij.
Skënderbeu, i doli zot Shqipërisë dhe kombit, në një kohë kur Rajoni dhe Europa dridhej para perandorisë automane.
Ku shqiptar, atdhetar, princ i lirisë, besoi tek shqiptarët, besoi tek trimëria dhe guximi i tyre, dhe bëri beteja për 25 vite me radhë, të cilat bënë historinë e kohës dhe jehuan në katër anët e planetit dhe Skënderbeu mori përjetësinë.
Ajo kohë, ishte kohë perandorisë, por Skënderbeu mbetet për çdo shqiptar, frymëzim, engjëlli që ruan Shqipërinë dhe shqiptarët në çdo kohë.
Skënderbeu, i vetëm, por u ngrit dhe mundi një perandori, forca e vërtetë e tij qëndronte në të vërtetat që mbronte, në idealet që luftoi, ndaj dhe për ne ajo është dhe mbetet frymëzuesi i çdo shqiptari që beson të vërtetën, që është i vendosur të sakrifikojë për të.
Ju jeni të pathyeshëm, sepse ju po mbroni të vërtetat e mëdha të kombit. Skënderbeu luftoi një pushtim të huaj, kurse ju po luftoni një pushtim të brendshëm, më barbar se çdo pushtim tjetër që kanë njohur shqiptarët.
Po luftoni një pushtim të brendshëm, si pushteti i një kryehajduti, që në 8 vite varfëroi dhe mjeroi vendin duke vjedhur shqiptarët në mënyrë të pamëshirshme dhe duke u pasuruar vetë me miliarda me qeveritarë, e familjarët e tij.
Rama me regjimin e tij, në tetë vite rrokullisi shqiptarët, në njerëzit me të keqpaguar në Rajon. Prej muajsh e muajsh është dërguar në parlamentin e krimit ligjit për minimumin jetik , në mënyrë që shqiptarët të mos vuajnë për vaktin e ushqimit, por ky ligj refuzohet, se Rama e di se duke varfëruar shqiptarët, ata ose nënshtrohen më shumë, ose largohen nga vendi.
Edi Rama në urrejtjen e tij për opozitën, përdori të gjitha mjetet për asgjësimin e saj, përdori cdo mjet për t’i ,mbyll asaj gojën, por dështoi. Kjo rrugë është sot rruga e parlamentit të lirë të shqiptarëve.
Oratorët e kësaj rruge, janë parlamentarët e fjalës së lirë, përfaqësues të shkëlqyer të qytetarëve dhe të vërtetave të tyre./m.j