Policia e Maqedonisë së Veriut bastisi shtëpinë e ish-zëvendës kryeministrit Artan Grubi, pas dyshimeve se ai është përfshirë në krim të organizuar.
Mediat në vendin fqinj shkruajnë se Grubi nuk ishte në shtëpinë e tij gjatë kontrollit. Ndërsa agjentët nga ana tjetër, besohet të kenë gjetur një shumë të konsiderueshme parash.
Pak ditë më parë, Artan Grubi, i shpallur “non grata” nga Shtetet e Bashkuara të Amerikës për korrupsion, lajmëroi tërheqjen e plotë nga politika dhe jeta publike.
Prej kohësh, Grubi ka qenë një nga figurat kryesore drejtuese të Bashkimit Demokratik për Integrim, e po ashtu ka mbajtur dhe poste të larta në qeveritë e kaluara.