Kreu i grupit të opozitës, Gazment Bardhi i ka bërë apel Kreut të Shtetit, Bajram Begaj të mos dekretojë ligjn që i hap rrugën investimeve strategjike në zonat e mbrojtura, por ta kthejë mbrapsht.
Bardhi u shpreh se Presidenti Begaj duhet të dalë “nga rreshti i të qenurit përfaqësues i mazhorancës”, duke shtuar se ka për detyrë të respektojë Kushtetutën.
Ai theksoi se kjo është një provë për Kreun e Shtetit që të zgjedhë mes interesit të qytetarëve dhe të kryeministrit Edi Rama.
“Kemi një apel publik ndaj Presidentit, të ngrihet në lartësinë e detyrës së tij dhe të ktheje mbrapsht e të mos dekretojë ligjin për shkatërrimin e zonave të mbrojtura. Ka për detyrën të respektojnë Kushtetutën, të dalë nga rreshti i të qenurit përfaqësues i mazhorancës.
Është provë për Presidentin, të zgjedhë interesin e qytetarëve apo të zgjedhë interesin e Edi Ramës”, tha Bardhi.
/f.s