NASA transmetoi aksidentalisht një simulim të astronautëve që trajtohen për sëmundje dekompresimi në Stacionin Ndërkombëtar të Hapësirës (ISS) të mërkurën, duke nxitur spekulime për një emergjencë në postimet në mediat sociale. Rreth orës 5:28 pasdite me orën qendrore të SHBA (2228 GMT), kanali i drejtpërdrejtë në YouTube i Administratës Kombëtare të Aeronautikës dhe Hapësirës (NASA) transmetoi audio që tregonte se një anëtar i ekuipazhit po përjetonte efektet e sëmundjes së dekompresionit (DCS).
Nasa ka konfirmuar se audioja e shpërndarë gjerësisht në mediat sociale ishte një simulim i transmetuar gabimisht.
Ajo u bë edhe më e besueshme sepse, ndryshe nga audio e rreme që zakonisht shfaqet fillimisht nga burime të rreme, kjo u transmetua në një kanal zyrtar të Nasa-s.
Në audion që shpërndahet në mediat sociale, një person i kërkon ekuipazhit të ISS që të ndihmojë për të futur një astronaut në kostumin e tij hapësinor, për të kontrolluar pulsin e tij dhe për t’i siguruar atij oksigjen.
Transmetimi i klipit të mërkurën në mbrëmje ndezi spekulime në internet për një emergjencë të mundshme në hapësirë - por NASA tha se të gjithë anëtarët e ISS janë të sigurt.
“Kjo audio u devijua pa dashje nga një simulim i vazhdueshëm ku anëtarët e ekuipazhit dhe ekipet tokësore stërviten për skenarë të ndryshëm në hapësirë dhe nuk lidhet me një emergjencë të vërtetë,” thuhet në faqen e ISS X.
Anëtarët e ekuipazhit në ISS ishin në periudhën e gjumit në kohën e transmetimit audio ndërsa përgatiteshin për një shëtitje në hapësirë në orën 8 të mëngjesit EDT të enjten, thuhet në postimin e ISS.
/a.r