Policia e Durrësit ka vënë në pranga një 24-vjeçar, i cili vodhi një piceri gjatë natës. E gjithë skena e grabitjes është filmuar nga kamerat e sigurisë. Në lidhje me këtë ngjarje është shpallur në kërkim edhe bashkëpunëtori i të riut.
“Specialistët për Hetimin e Krimeve të Komisariatit të Policisë Durrës, nga veprimet hetimore të kryera për vjedhjen me thyerje të një shumë parash, në një piceri në lagjen nr. 13, më datë 11.01.2025, kanë identifikuar 2 autorët e dyshuar të rastit.
Në vijim të veprimeve, u kap dhe u vu në pranga njëri prej tyre, shtetasi M. I., 24 vjeç, banues në lagjen nr. 13, Durrës, si dhe u shpall në kërkim tjetri, shtetasi E. L., 30 vjeç, banues në Arapaj, Durrës. Punohet për kapjen e 30-vjeçarit”, njoftoi policia.