Deputeti i Partisë Demokratike, Dashnor Sula, është shprehur se kryedemokrati Sali Berisha është lideri shpirtëror i tyre.
Komentet Sula i bëri në emisionin ‘Debat’ me gazetaren Alba Alishani në A2 CNN, ku tha se qasja, fogura apo emri i Berishës nuk mund të krahasohen me asnjë tjetër nga Grupi Parlamentar i PD-së.
Ai tha gjithashtu se i bëri përshtypje se gjatë një fjalimi për buxhetin në mbledhjen e grupit, Berisha nuk gaboi në asnjë fjalë, çka sipas Sulës, tregon gjendjen e tij të mirë fizike e mendore, për të udhëhequr fushatën elektorale për zgjedhjet e vitit 2025.
“Ka kaluar gati një javë nga rikthimi i Berishës. Emocioni i parë ishte ditët e para. Por si mbledhje e grupit të PD ka një vlerë të veçantë, sepse po të kuptosh përgjatë këtyre 333 ditëve, nuk mund të krahasohet qasja apo figura apo vokacioni që krijon Berisha, me asnjë figurë tjetër nga grupi parlamentar, edhe kur ishte Basha.
Unë e kam thënë edhe në momentin që kam pasur qasje ndryshe, që ai është babai ynë shpirtëror. Por duhet ta theksoj një fakt, datën 2 dhjetor, pati një prezantim të buxhetit nga Berisha, te grupi Parlamentar dhe gjithë seksionet.
Mjafton të përmendësh që nuk gaboi një fjalë, tregoi që është i kthjellët në kuptimin e pikëpamjes mendore e fizike dhe ne demokratëve na bëhet mirë se do udhëheqë fushatën”, tha Sula.
/a.r