Donald Trump ka emëruar Karoline Leavitt, si zëdhënëse të Shtëpisë së Bardhë. Këtë e bëri të ditur presidenti i zgjedhur përmes një deklarate. Leavitt shërbeu si zëdhënëse e fushatës së Trump. Në administratën e parë të manjatit ajo ishte zëvendës zëdhënëse.
Në moshën 27-vjeçare, Leavitt do të jetë sekretarja më e re e shtypit e Shtëpisë së Bardhë në historinë e SHBA.
“Karoline Leavitt ka bërë një punë fenomenale në fushatën time dhe kam kënaqësinë të njoftoj se ajo do të jetë sekretare e shtypit e Shtëpisë së Bardhë. Ajo është inteligjente dhe ka dëshmuar të jetë një komunikuese efektive. Unë kam besim se ajo do të bëjë një punë të shkëlqyer nga podiumi dhe do të ndihmojë për të përhapur mesazhin tonë”, deklaroi Trump.
Leavitt filloi të punojë për Shtëpinë e Bardhë në administratën e parë të Trumpit menjëherë pas diplomimit në 2019, fillimisht si shkrimtare presidenciale dhe më vonë si ndihmës sekretare shtypi, sipas faqes së internetit për kandidimin e saj për Kongresin e vitit 2022.
“Kam ndihmuar në përgatitjen e Sekretares së Shtypit Kayleigh McEnany për konferencat e presionit të lartë dhe luftova kundër mediave kryesore të njëanshme,” thuhej në faqen e saj të internetit.
Në janar 2024, ajo iu bashkua ofertës së tretë të Trump për presidencën amerikane si sekretare e shtypit e fushatës së tij.
Tani, ajo është zgjedhur për të shërbyer si sekretarja më e re e shtypit e Shtëpisë së Bardhë në historinë e SHBA. Ron Ziegler ishte mbajtësi i mëparshëm i rekordit. Në vitin 1969, ai u emërua në këtë pozicion nga Richard Nixon kur ishte 29 vjeç.
/a.r